إزاي تختاري التونر المناسب لنوع بشرتك؟
التونر قابض لمسام البشرة وبيقلل الافرازات الدهنية وبيزيد من إنعاش الوجه، ويعتبر هو الخطوة التانية لتنضيف الوجه.. بمعني إن لو كان فيه بواقي أتربة أو حاجة الغسول ماعرفش يشيلها، فالتونر بينضفها.
تعالي نعرف إزاي تختاري التونر المناسب لنوع بشرتك
للبشرة الدهنية:
- اختاري أنواع التونر اللي بتحتوي في مكوناتها على حمض الساليسيليك وزيت شجرة الشاي.
للبشرة المختلطة والعادية:
- أنواع البشرة المختلطة والعادية تقريبًا بيمشي معاهم كل أنواع التونر، فـ اختياري النوع حسب حرارة الجو.. يعني لو الجو حر اختاري أنواع تونر منعشة للبشرة، ولو الجو برد اختاري أنواع التونر المرطبة للبشرة عشان نحافظ عليها من الجفاف.
للبشرة الجافة والحساسة:
- ابعدي عن أنواع التونر اللي بتحتوي على كحول، لأنها ممكن تسبب جفاف البشرة، واختاري الأنواع اللي بتحتوي على مواد مرطبة.
