للرجال: ممكن تعمل إيه عشان تحافظ على بشرتك في الحر دا؟

عادةً مشاكل البشرة الدهنية عند الرجاله والتعامل معاها بيكون أصعب من البنات، لقلة خبرتهم، ولأنهم مابيستخدموش الكريمات والغسولات المناسبة 
بجانب إن الحلاقة بشكل مستمر بتساهم في زيادة تهيج الجلد والبشرة وتفاقم مشاكل الحبوب.

ممكن تعمل إيه عشان تحافظ على بشرتك في الحر دا؟

هنقولك:
1- اغسل وشك بغسول خاص بالبشرة الدهنية مرة الصبح ومرة بالليل باستخدام ماء فاتر.
2- امشي على نظام غذائي غني بالخضار والفواكه ونسبة المقالي والأغذية المصنعة فيه قليلة.
3- مش هيبقى فيه مشكلة لو استخدمنا أقنعة طبيعية بتساعد في علاج مشكلة إفراز الزيوت الزايدة وتنظيم إفرازها، زي ماسك عصير الليمون أو اللبن الرايب اللي بيطهّر بشرتك وبيشد المسام.
4- حاول ماتلمسش بشرتك، وخليك حريص دايمًا على غسل إيديك وتعقيمها.
5- مهم إنك تتجنب استخدام أي منتجات فيها زيوت، وخاصةً اللي بتكون في المرطبات أو واقيات الشمس
6- تقشير البشرة مرة أو مرتين أسبوعيًا ممكن يساعد في شد المسامات والتخلص من الزيوت الزايدة.
7- ماتحاولش تلعب في الحبوب أو تفتحها لأنها هتسيب أثر.
8- لما تيجي تحلق حاول بقدر الإمكان إنك تتجنب جرح أماكن الحبوب، وخليكِ حريص دايمًا على تعقيم وشك بعد ما تخلص.